لە فینلاند هەموو شارەوانییەکان خزمەتگوزاری تەندروستی پیشکەشی دانیشتوانیان دەکەن. بە گشتی لە شارەوانییەکەدا بنکەی تەندروستی هەیە، کە تێیدا خزمەتگوزاریەکان پیشکەش دەکرێن. کاتێک تۆ لە یەکێک لە شارەوانییەکاندا ناونووس کراویت، دەتوانیت خزمەتگوزاری تەندروستی بەکار بهێنیت. کاتێک نەخۆش دەکەویت، لای پزیشک یان پەرستیاری بنکەی تەندروستی، بە تەلەفون یان لە بنکەکە خۆی کات دەگریت. چاوەڕوانی ئەو کاتە بکە کە پێت دەدەن لە شوێنی چاوەڕوانی بنکەکەدا.

وەک دانیشتوویەکی شارەوانییەکە لە نەخۆشخانەی دایکانی دووگیان دەتوانیت هەموو ڕێنماییەک سەبارەت بە دووگیانبوون و ئەو زانیارییە جیاوازیانەی سەبارەت بە خزمەتگوزارییەکانی کۆمەلگا بە دەست بهێنیت. لە بنکەکەدا چاودێری باری تەندروستی دایکەکە و گەشەی کۆرپەلەکە دەکرێت. باش وایە کە بە کەمتر لە چوار مانگ پاش سک پڕبوونەکە بۆ یەکەم جار سەردانی پزیشکی بنکەی تەندروستیەکەت بکەیت. هەروەها هانی باوکەکە دەدرێت، کە ئەویش سەردانی نەخۆشخانەی دایکانی دووگیانەکە بکات و بەشداری ئەو چالاکی و ڕاهێنانانە بکات، کە پیش لە دایکبوونی منداڵەکە پیشکەش دەکرێن. شارەوانییەکەت سەر بە چ هەرێمێک بێت، منداڵەکە لەو نەخۆشخانەی هەرێمەکەدا لە دایک دەبێت. هەروەها باوکەکەش دەتوانیت ئامادە بێت لە کاتی لە دایک بوونی منداڵەکەدا.

لە فینلاند پزیشکەکان بڕیار لەسەر دەرمان دەدەن بۆ چارەسەری نەخۆشی. پزیشکەکە ڕەچەتەی دەرمانت پێ دەدات و لە دەرمانخانە (صیدیلیە) دەرمانەکانت وەردەگریت و پارەکەی دەدەیت. ئەگەر نەخۆشییەکی درێژخایەنت هەیە ئەوا ڕەچەتە کۆنەکان لەگەڵ خۆت دەهێنیت لە کاتی سەردانی پزیشکدا.

دڵـنـیـایـی کۆمەڵایـەتی بۆ کۆچـبـەران بەگوێـرەی بارودۆخـی ژیـانـیـان دانـراوە بـە هـەمان ئەو شـێـوازەی کـە بۆ فـنـلەنـدیـەکانـیـش هـەیە. بـێـکار ئـەبێ چـالاکانە بەدوای کاردا بـگـەرێـت و دەبـێـت ڕێـنـمایـیـەکانی پـلانی ئـاوێـتـەبـوونـی کـۆچـبـەران لە کـۆمەڵـگـادا کە بـەیـەکـەوە لەگـەڵ نـووسـیـنـگـەی کار و پـەرەپـێـدانی ئابـووری (TE-toimisto) دایانـڕشـتـوە جـێـبـەجێ بـکـات. بـەم شـێـوەیـە هـاوکـاری بـازاری کار یـان پـارەی بـێـکاری پێ ئـەدرێ.

ئەو کەسەی ئامادەیـی تـیـادا نـیـیـە لە بازاری کاردا بـەشداربـێـت بۆ نموونـە بـەهۆی نەخـۆشـی درێـژخایـەن، کەمـئـەندامی یان دووگـیـانـیـەوە ئـەکرێ داوای هـاوکاری گـونـجـاو لەگـەڵ دۆخـە تـەنـدروسـتـیـەکەی خۆیەوە بـکات. ئەو کەسەی کە تـەمـەنـی ٦٥ ساڵی تـەواو کردووە و سـێ ساڵ لە ووڵات دا ژیـاوە ئـەتـوانێ داوای مووچەی خـانـەنـشـیـنـی بـۆ گـەورەسـاڵان لە دەزگـای دڵـنـیـایـی کۆمـەڵایـەتـی كــێــڵا (Kela) وە بـکـات.

لە فـنـلـەنـدا هاوکاری ژیان گوزەرانـدنـیـش هـەیـە بۆ دابـیـنـکردنـی ژیـانـێـکی سـەربـەرزانـە بـۆ خـەڵـک کە نـەبـەسـتـراوەتـەوە بە دۆخی تـایـبـەتی کەسـەکانـەوە. هاوکاری ژیـان گوزەرانـدن بـژاردەی دوایـیـنـی هاوکاریـەکانـە، بەو مـانـایـەی کە ئـەمـەشـیـان ئـەتـوانـرێ وەربـگـیـرێ دوای ئـەوەی هاوکاریـەکانـی تـر داواکراون وەیـان ئـەگەر بە هاوکاریـەکانـی تـر خـەرجی پـێـویـسـتـیـە بـنـەڕەتـیـکانـی ژیـان پـڕ نـەکرێـتـەوە، ئـەمەشـیـان کـەم ئـەبـێـتـەوە کاتـێـک ئـەم کـەسـە بۆ نـمـوونـە مووچـە وەرئـەگرێـت وەیـان هـاوکاری تـر لـە کــێــڵا وەرئـەگـرێـت.

هـەموو هـاوکـاریـەکـان لـە كــێــڵا وە داوائـەکـرێـن.

لە نوسینگەی کێڵای ناوچەکەت و نووسینگەی سۆسیال و ماڵپەڕی ئنتەرنێتی کێڵا دەتوانیت زانیاری سەبارەت بە بیمە کۆمەڵایەتییەکان بە دەست بهێنیت. لە چەند شارەوانییەکدا بۆ كۆچبەرانی نوێ کۆبوونەوە بۆ زانیاریدان سەبارەت بە خزمەتگوزارییەکان و بیمە کۆمەڵایەتییەکانی شارەوانییەکە ڕێک دەخریت.بۆ ئەوەی زانیاری تەواو بە دەست بهێنیت، وەک کەسێکی بیانی گرنگە بەشداری تێدا بکەیت. هەروەها ئەو ڕێکخراوانەی کاری بیانی دەکەن، لەگەڵ ئەو بیانیانەی ماوەیەکی درێژترە لە فینلاند دەژین، ڕێنمایی پەنابەرانی نوێ دەکەن لە پەیوەند بە ژیانی ڕؤژانەوە.